Balotelli e la Fico sono una coppia moderna. O signu iu ca signu statu sempre cu finmine all’antica sinnò un si spiega.
Si iu mi fossa permesso a di’ a na guagliuna seria i si fa u Test d’u DNA dopu ca mi dicìa ca aspettava nu figliu da me, iddra m’avissa prima mannatu a chiru paisi e pu m’avissa chiestu: “M’avissa pigliatu pi na puttana?”
Balotelli ci l’ha chiesto a Raffaella Fico e unn’è successu nente.
La scena è stata chissa:
FICO: Balotè, vida che aspettu nu figlio.
BALOTELLI: E l’aspetti propriu ca dintra? Vida ca mo vena Cassano e am’i jocà ara Pleistescion.
FICO: ma cosa hai capito, scioccone, aspetto un figlio da te!
BALOTELLI: e perché da me? Unnu pu aspettà ara casa tua?
FICO: Balotè! Ma si popiu fissa? Aspetto un figlio tuo.
BALOTELLI: Mi sa ca ti sta mbrogliannu. Vida ca iu figli unni tiegnu.
FICO: mo ti mignu s’iPaf ara frunti: u vu capì ca signu in stato interessante?
BALOTELLI: Interessante pi tia, ma no pi mia. Mo movati ca vena Cassano e amì jocà. E quannu jocamu un vulimu rutture i cugliuni.
FICO: Ma quannu Dio ha distribuito l’intelligenza tu chi facìa chiru juarnu, durmìa?
BALOTELLI: Picchì mi dici cussì, oj vrinzula, chi cintra s’intelligenza? Iu signu nu jocature no nu pruissure.
FICO: picchì ancora ull’ha’ capita ca signu ncinta?
BALOTELLI: Daveru? e chi bu i mia?
FICO: Signu ncinta i tia…
BALOTELLI: E cum’è possibile? Così come mi ha insegnato il mister Prandelli, sono sempre stato molto attento.
FICO: e sa vota vo di’ ca si statu menu attento
BALOTELLI: e mo cumu ci u dicu?
FICO: a mammata?
BALOTELLI: no, aru mister.
FICO: Ma che ne so! Un figlio tutto nostro ci pensi?
BALOTELLI: E’ na cosa ca è successa puru a Liviuzzu, n’amicu miu. Anzi, u sa chi ti dicu?
FICO: Chi?
BALOTELLI: facimu cumu ha fattu Liviuzzu ccura mugliere.
FICO: e cioè?
BALOTELLI: T’adi fa u TEST…
FICO: quali test?
BALOTELLI: Chiru d’u DNA.
FICO: Ma l’ho fatto stamattina!
BALOTELLI: Dove?
FICO: Su Donna Moderna.
BALOTELLI: Daveru? E quantu ha pigliato?
FICO: 12.
BALOTELLI: Allura ni potimu spusà.
FICO: Evviva! E quando?
BALOTELLI: No mo, ca mo vena Cassano.
Fondatore di Spigaweb e ottimo mangiatore di purpette, ama tutto quello che è meridionale. Il suo motto è «il Web è cumu u puarcu, un si jetta nente».
