I ziti prumisi

Dua cazz'i guagliuni, Renzu e Lucia, (ccu tutta a crisi montiale ca si ci minta) l'è binutu u spinnu i si spusà. Nu soggettu fa na scummissa cu ru cugginu: dicia ca fa zumpà su matrimmoniu picchì a sa Lucìa s'a vo' cchiuda iddru e manna certi malamenti a fa n'imponenza a ru prieviti ca l'avìa i spusà. Su prieviti, ca è nu cazz' i spagnataru i prima categoria, si caca sutta e unni spusa. I dua guagliuni perdanu a capu e succeda l'ira i dio: u minchiune si vo minta mmanu a n'avucatu e ru vulissa pagà ccu certi polli, pu vena puru arrestatu cumu nu minchiune e si mpacchia puru a peste. Iddra vena nenti menu rapisciuta ma, ppi ra manu i Dio, allibberata. Ara fine puru iddra piglia peste e infatti i dua s'incontranu intra a na banna addi jettavanu i malati. U bellu è ca (curnutu e mazziatu!) Lucia, quann'era stata rapita, avìa fattu u votu i castità e quindi un si potìa mancu spusa cchiù! Grazie a Dio intervena nu prievite bravu, patre e Cristofaro, ca li dicia: -Chi cazzu fa si prumise? E bida add'adi ji!- Lucia si convingia e ri dua si ricoglianu a ru paisi. Là si spusanu e fanu na murrìa i figli. M'aviti i crida: nissunu di dua tena a pesta (e mancu i figli). Chissu vo' dì ca c'add'essa ancuna cosa i sutta, na cazz'i Pruvidenza, sinnò, onestamente, un si spiega...